Armand Broja është vetëm një hap larg largimit nga Chelsea. Blutë e Londrës nuk janë më të interesuar për shërbimet e sulmuesit shqiptar, duke kërkuar me patjetër një bomber në merkaton e këtij janari.
Sipas gazetarit Matt Lou, Chelsea është në gjurmët e sulmuesit Nigerian, Osmhen të Napolit, por do të duhet të sakrifikojë një lojtar.
Në lojë janë mbrojtësi Tevoh Çalobah dhe Ian Maatsen, si dhe sulmuesët Noni Madueke dhe Armando Broja.
Ky i fundit, prej vitit 2020 kur ka debutuar me ekipin e parë, ka shënuar vetëm 2 gola, ndërsa në dhjetorin e kaluar pësoi edhe një dëmtim që e la prej muajsh jashtë fushës.
Megjithatë, Poçetino ia ka dhënë mundësinë Brojës në sfidat e fundit, ku e ka nisur si titullar ndaj Wolverhemptonit, Evertonit apo Lutonit.
Sulmuesi s’ka shënuar në asnjë prej ndeshjeve, ndërkohë që Chelsea i duhen golat në këtë moment të vështirë në kampionatin anglez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
