Armando Broja mund të mos jetë pjesë e listës së lojtarëve të grumbulluar me Shqipërinë, për 3 ndeshjet e muajit shtator.
Sulmuesi i cili është pjesë e Southampton në Premier League, mund të humbasë ndeshjet ndaj Polonisë, Hungarisë dhe San Marinos.
Shkak për këtë është bërë një vendim i marrë nga klubet e Premier League, të cilat kanë vendosur të mos i lejojnë lojtarët që të grumbullohen me kombëtaret e tyre për ndeshjet e shtatorit. Pandemia e Covid-19 dhe fakti që kur të kthehen në Angli, ata duhet të qëndrojnë në karantinë disa ditë, ka bërë që klubet angleze të vendosin që të mos i lejojnë lojtarët të shkojnë te kombëtaret.
Megjithatë një marrëveshje mund të arrihet në ditët e ardhshme, që lojtarët të mos ndalohen për t’u grumbulluar me kombëtaret e tyre. Në Angli raportojnë se më problematike situata është për vendet që konsiderohen si “zonë e kuqe”, pasi vendi britanik nuk mund ta heqë dot karantinën për lojtarët që vijnë nga këto vende.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
