Duke patur parasysh se Toni Kross është drejt fundit të kontratës me Real Madridin, ekzaktësisht në 30 qershorin e 2023- shit , prej kohësh drejtuesit kanë filluar ofensivën për gjetjen e një zëvëndësuesi për gjermanin.
Sigurisht konsiderohet shumë e vështirë për vetë faktin e kontributit të mesfushorit por duket se ‘’ Galaktikët ‘’ e kanë gjetur .
Pas Jude Bellingham , lojtar që konsiderohet prioritet nga Carlo Ancelotti, Real Madridi po vlerëson edhe mundësinë e transferimit të Youri Tielemans në ‘’ Santiago Bernabeu ‘’.
Belgu është tentuar edhe nga Barcelona dhe Arsenali dhe kuptohet se do të jetë një sfidë e luftuar deri në fund, gjatë të cilës nuk përjashtohen surprizat.
Risia në këtë histori është se duke filluar nga 1 janari i 2023-shit , 25 vjeçari do të jetë i lirë të negociojë me klubin që dëshiron dhe Real Madridi nuk mendon ta humbasë këtë rast sepse flitet për një ndër mesfushorët më të mirë të Premier Leagues.
Ishi i Anderlecht sigurisht do të jetë protagonist në merkaton vijuese dhe me kaq pretendentë cilësorë, e ardhmja shikohet larg ‘’ King Powerit ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
