Aventura e James Rodrigues te Al Rayyan në Katar nuk po shkon edhe aq mirë. Pasi shënoi pak ditë më parë, ditën e djeshme, futbollisti kolumbian ishte sërish protagonist, por këtë herë për një episod aspak të këndshëm.
Në fundin e takimit, skuadra e Al Rayyan po humbte 2-1 ndaj Al Arabi dhe fiton një goditje dënimi në afërsi të zonës. Megjithatë pavarësisht kësaj, James Rodriguez, proteston te arbitri dhe për këtë fillimisht ndëshkohet me karton të verdhë.
Por edhe pas kësaj, kolumbiani nuk i ndali protestat, aq sa e lanë nervat dhe për një moment iu vërsul arbitrit të ndeshjes për ta goditur, teksa u ndal nga shokët e ekipit.
Pas kësaj, gjyqtari i ndeshjes i dha edhe kartonin e dytë të verdhë mesfushorin, i cili u ndëshkua me të kuq dhe la skuadrën e tij me 10 lojtarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
