Derbi në Greqi mes Olympiacos dhe AEK, u kthye në një arenë dhune në fund të takimit. Duke parë tensionin dhe rëndësinë e kësaj ndeshje, federata greke, kishte zgjedhur që drejtësi të vendosë arbitri italian, Davide Massa.
Kontestimet nuk munguan as për këtë të fundit, që e pësoi nga tifozët. Gjithçka agravoi te penalltia e akorduar për AEK-un, në minutën e 82-të.
Te Olympiacos nuk ishin dakord dhe protestuan ashpër, së bashku me presidentin, Evangelos Marinakis. Madje ky i fundit u bë protagonist në fund, duke futur topa në fushë dhe çka solli ndërprerjen e ndeshjes për pak minuta.
1 minutë para fundit, duke parë irritimin e tifozëve, arbitri Massa vendosi të mbyllë ndeshjes. Pas vërshëllimës së trefishtë, tifozët pushtuan fushën, ku nuk i kursyen goditjet ndaj arbitrit.
Gjyqtari në raportin e ndeshjes, të zbuluar nga SDNA, ka treguar edhe se çfarë ka ndodhur.
“E kam vonuar me 1 minutë fillimin e pjesës së dytë sepse ekipi mik ka hyrë me vonesë në fushë. Në minutën e 57′ e kam ndërprerë lojën sepse nuk ka pasur dukshmëri për kamerat VAR për shkak të tymit dhe pas 3 minutash ndeshja rifilloi normalisht. Në minutën e 90-të gjyqtari i 4-të tregoi 7 minuta kohë shtesë, por pas golit të tretë të skuadrës mysafire, disa objekte (shishe uji dhe topa plastike) u hodhën nga tribuna duke penguar. Në orën 90+6 vendosa ta mbyll ndeshjen, pasi kuptova se tifozët vendas mund të futeshin në fushë. Tifozët e vendasve hynë në fushë dhe u nisëm drejt në tunel. Aty kishte shumë njerëz dhe ndjeva një goditje tek organi gjenital, por nuk e dallova fajtorin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
