E ardhmja e Alexandre Lacazettes është çdo ditë e më shumë larg Arsenalit. Francezi e përfundon kontratën me ‘’ Topchinjtë ‘’ në 30 qershorin e 2022- shit dhe drejtuesit e tyre nuk kanë bërë asnjë lëvizje konkrete për të rinovuar me sulmuesin .
Një fakt që e ka përkeqësuar situatën e 30 vjeçarit në ‘’ Emirates ‘’ është se nuk është aktivizuar si titullar në asnjë nga ndeshjet në fllimin e këtij sezoni në Premier League dhe shijoi 90 minutat e plota vetëm në atë të kupës së ligës kundër modestëve të Wimbledon .
Mungesa e protagonizmit e ka zhgënjyer tej mase ishi-n e Lyonit i cili po përjeton një eksperiencë të hidhur me anglezët. Por sipas portalit 90min ekziston një dritë shprese për Alexandre Lacazettes sepse janë tre skuadra që duan ta kenë pjesë të tyre . Së pari është Lyoni. Francezët pretendojnë rikthimin e sulmuesit në ‘’ Parc Olimpique “ për të evituar agravimin e situatës .
Gjigandët e Ligue 1 e shitën për 50 milionë euro në merkaton e 2017-tës por e kaluara e suksesshme mbetet shumë prezente dhe duan të shëndërrohen në protagonistë në Francë pasi kanë shumë vite që ia kanë lënë stafetën Paris St Germain .
As Premier League nuk mbetet në prapavijë sepse West Hami dhe Crystal Palace janë interesuar dhe njëra ndër to mund ta blejë për më pak se 12 milionë euro .
Humbja e pikëve tek një skuadër që ka regjistruar një ndër sezonet më të dështuara në historinë e saj ku nuk mundi të sigurojë një vend për në Europë e ka detyruar të jetë afër largimit nga ‘’ The Gunnersat ‘’ me të cilët është aktivizuar 4 sezone .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
