UEFA, ka zbuluar një rregull të ri, për Europianin, që do të mbahet në Gjermani në verë, aty ku merr pjesë edhe Shqipëria.
Të drejtën për të folur me arbitrin, do e kenë vetëm kapitenët e kombëtareve, ndërsa lojtarëve të tjerë u ndalohet.
Kështu, te kombëtarja shqiptare, me gjyqtarin mund të komunikojë vetëm Berat Gjimshiti, që mban shiritin e kapitenit.
Sipas drejtorit të arbitrimit në UEFA, Roberto Rosetti, shpjegimi i një vendimi për të 22 lojtarët në një ndeshje është e pamundur për një arbitër dhe kjo mund të çojë në prishje të komunikimit.
Kërkohet që të gjitha skuadrat të sigurojnë që kapiteni i tyre të jetë lojtari i vetëm që flet me arbitrin. Kapitenët duhet të sigurojnë që shokët e tyre të skuadrës të mos cenojnë dhe të rrethojnë gjyqtarin, duke lejuar që të zhvillohen biseda të drejtpërdrejta në mënyrë që vendimi të transmetohet në kohën e duhur dhe me respekt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
