Federata Shqiptare e Futbollit ka njoftuar se finalja e Superkupës së Shqipërisë mes Teutës dhe Vllaznisë do të zhvillohet më 28 gusht, në stadiumin “Elbasan Arena” duke filluar nga ora 19:00.
Gjithashtu në njoftimin e FSHF bëhet e ditur se nga dita e sotme në treg kanë dalë edhe biletat, për ata që duan ta ndjekin në stadium ndeshjen. Në sektorin A dhe B, bileta kushton 600 lekë (të reja), në sektorin E dhe G3 kushtojnë 200 lekë, ndërsa në tribunën VIP bileta kushton 1.500 lekë.
Në finalen e Superkupës luan Teuta, kampione në fuqi dhe Vllaznia si fituese e Kupës në sezonin e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
