Ecuria shumë e mirë e Miguel Gutierrezit tek Girona i ka vënë në lëvizje drejtuesit e Interit për ta transferuar në ‘’ Giuseppe Meazza ‘’ gjatë merkatos së janarit.
Mbrojtësi i Gironas është produkti i akademise se Real Madridit, i cili tanimë konsiderohet një ndër më të mirët tek katalanasit.
Cilësitë në prapavijë i kanë bindur zikaltërit, i cili shquhet edhe për inkursionet drejt ofenvisës, shpeshherë tejet efektiv për shokët e skuadrës.
Traineri Simone Inzaghi e ka bërë me dije se kërkon shtimin e forcave, me qëllimin që Interi të vijojë në të njëjtën linjë edhe në fazën më përcaktuese të sezonit.
Ndërkohë, drejtuesit e katalanasve janë të ndërgjegjshëm për rëndësinë e 23 vjeçarit në 11-shen e Michel por duke iu referuar nivelin të treguar deri më tani, s’përjashtohet interesi i të tjerë pretendentëve në javët vijuese.
Mendohet se do të jetë një sfidë e vështirë për kampionët në fuqi të Serisë A, të cilët pavarësisht se kanë ndryshuar tërësisht nën drejtimin e ishi-t të Lazios, gjithmonë ka vend për përmirësim, në çdo repart.
Në 12 ndeshje përfshirë të gjitha kompeticionet madrileni ka shënuar 1 gol dhe ka kontribuar me 1 asist për shokët e skuadrës, i cili në çdo ndeshje po evidenton se është një lojtar për tu marrë shembull.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
