Trajneri i Milanit, Stefano Pioli, rrezikon shkarkimin, në rast se nuk fiton në ndeshjen e fundjavës ndaj Sassuolo-s.
Në konferencën për shtyp, tekniku kuqezi deklaroi se nuk ka frikë për të ardhmen, duke shtuar se ka punuar i qetë gjatë javës.
Mund të jetë ndeshja e fundit? Jo vetëm nesër, gjithmonë është kështu. Kemi bërë gabime dhe na mungon vazhdimësia. Nuk kam frikë, do të doja që skuadra të shprehte të gjithë potencialin e saj. Duhet të jemi më kompaktë dhe të sulmojmë kundërshtarët në kohën e duhur. Pa harruar që të shfrytëzojmë rastet që na krijohen.
Kam kaluar një javë normale, duke punuar. Duhet të fitojmë dhe të gjejmë vazhdimësinë që na ka munguar. Kam punuar shumë këtë javë dhe nuk kam menduar për të ardhmen. I vetmi objektiv është rikthimi te fitorja. Sezoni është akoma i gjatë, ka edhe shumë ndeshje dhe mundësitë për të bërë mirë janë. Duhet ekuilibër për ti dhënë vazhdimësi rezultateve. Duhet gjetur sa më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
