Sezoni impresionues i Victor Bonifaces tek Bayer Leverkuseni është pasuar me interesin e West Hamit.
Sipas “ The Sun “, drejtuesit e kryeqytasve janë të gatshëm të ofrojnë një shifër të konsiderueshme për shërbimet e 23 vjeçarit.
Nigeriani ka shënuar 18 gola, pa harruar 10 asiste në 29 sfida nën drejtimin e Xabi Alonsos, skuadra e të cilit pas shumë vitesh e ka ulur nga froni i Bundesligës Bayern Munchenin.
Flitet se drejtuesit e “ The Hammers “ do të ofrojnë mbi 70 milionë euro për golashënuesin, i cili mund të provojë veten në Premier League, ndër pesë kampionatet më të rëndësishëm të Europës.
Megjithatë, s’do të jetë e lehtë për pretendentët duke qenë se Victor Boniface mbetet determinant në skemat e ish mesfushorit të Liverpoolit, trainer i cili ka impresionuar çdokënd në sezonin aktual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
