Përveç planeve për revolucionin e të ardhmes Barcelona nuk e ka anashkaluar në asnjë moment rinovimin me legjendën e klubit Lionel Messi. Argjentinasi e përfundon kontratën me katalanasit në 30 qershor dhe mbetet prioriteti absolut sepse thekson një sukses në vetvete . Edhe pse momentalisht ‘’ La Pulga ‘’ ndodhet në Argjentinë duke pushuar sipas Tv3 Barcelona i ka ofruar një kontratë rinovimi për dy vitet e ardhshme dhe do të jetë super e fokusuar tek përgjigjja e 33 vjeçarit .
Pas kësaj periudhe ka menduar funksionin e ambasadorit për lojtarin nga Rosario dhe më pas ofrimin e një kontrate 5 vjeçare si pjestar i strukturës vendimarrëse . Me Josep Maria Bartomeun në presidencë rrugët e argjentinasit me Barcelonën ishin drejt ndarjes por ardhja e Joan Laportas ka kthyer faqen për qëndrimin e 6 herë fituesit të Topit të Artë në ‘’ Camp Nou ‘’ sepse spanjollët nuk duan ta ndalin vrullin drejt rikuperimit të identitetit fitues me të cilin mahniti botën në të shkuarën .
Ky projekt afatgjatë do të presë përgjigjen e sulmuesit që tashmë e ka shënuar emrin në librin e artë të yjeve të Barcelonës e cila pa prezencën e tij do ta kishte të pamundur të fitonte titujt e akumuluar përgjatë viteve .
Sezoni për legjendën argjentinase ka patur pothuajse të njëjtin ritëm në aspektin individual sepse vijon të regjistrojë statistika që të bëjnë të vesh duart në kokë. Në 47 ndeshje me ‘’ Los Cules “ asi i kombëtares ‘’ Albiceleste ‘’ ka shënuar 38 gola dhe ka asistuar me 14 të tillë dhe kjo iniciativë e marrë nga Joan Laporta është më e pakta që mund të bëjë Barcelona për një ndër lojtarët më të mirë të të gjitha kohërave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
