“Tradhtia” nuk falet, Interi heq dorë nga Lukaku

Interi ka hequr dorë nga interesimi për të firmosur me sulmuesin Romelu Lukaku. Lëvizja e sulmuesit belg, është konsideruar si tradhti nga zikaltërit, të cilët janë tërhequr dhe po shikojnë për alternativa të tjera. Lukaku është në kontratë me Chelsea, por gjatë kohës që përflitej për një rikthim te Interi, u zbulua se lojtari ishte në bisedime me Juventusin, për një transferim te bardhezinjtë. Palët kanë arritur një akord dhe pritet vetëm shitja e Vlahovic, që Juventusi të paguajë kartonin e lojtarit. Kjo nuk i ka pëlqyer drejtuesve të Interit, të cilët janë tërhequr dhe këtë ia kanë bërë të ditur klubit të Chelsea dhe vetë Lukakut.