Pas largimit të Achraf Hakimit tek Paris St Germain dhe rikthimit të Lukakut tek Chelsea , Interi po përgatitet për shitjen e tretë . Sulmuesi Lautaro Martinez vijon të jetë objektivi i Tottenham Hotspurit për arsye se golashënuesi Harry Kane është me një këmbë larg ‘’ White Hart Lane ‘’ . Nuno Espirito Santo kërkon një zëvëndësues ideal dhe 23 vjeçari disponon të gjithë potencialin për ti ardhur në ndihmë kryeqytetasve .
Sipas The Times ‘’ Gjelat e Londrës ‘’ kanë përgatitur 70 milionë euro për kampionin në fuqi të Serisë A i cili e finalizoi sezonin me 19 gola dhe 11 asiste në 48 ndeshje në të cilat dha një kontribut që s’mund të harrohet lehtë .
Pas 11 vitesh pa titull në Scudetto , zikaltërit vunë diktatin duke i treguar Juventusit se do të ketë shumë punë përpara për ta përballuar konkurrencën e tyre .
Megjithatë për Lautaro Martinez ofertat nuk mbarojnë me kaq sepse Barcelona , Real Madridi dhe Atletico mendojnë të zhvillojnë një tjetër ndeshje të ashpër në merkato .
Momentalisht i vetmi shpëtim për Interin mbetet shitja e lojtarëve përcaktues me synimin e krijimit të stabilitetit të nevojshëm që do ti shërbejë për të filluar pak e nga pak rigjenerimin ekonomik . Londinezët janë shumë të bindur se prezenca e ishi-t të Racing de Avellaneda do të ishte një plus në sezonin vijues në të cilin Tottenhamit do ti duhet të masë përsëri forcat në Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
