Paraqitjet e shkëlqyera nën drejtimin e Julen Lopeteguit e kanë vënë Marcos Acunan në radarët e Interit . Interesi i zikaltërve thekson se progresi i argjentinasit në fushën e blertë ka patur një ecuri pozitive .
29 vjeçari ka arritur të shëndërrohet në një garanci për numrin një të pankinës andaluze Julen Lopetegui , por gjithçka mund të ndryshojë gjatë merkatos së verës .
Sipas ‘’ Estadiodeportivos ‘’ drejtuesit nga Milano nuk mendojnë ti tejkalojnë limitet në lidhje me Marcos Acunan dhe kanë shqyrtuar një ofertë paraprake që kap shifrën e 15 milionë eurove për ta larguar nga ‘’ Sanchez Pizjuan ‘’ .
Një hap i tillë do të shoqërohet me përfshirjen e ndonjë elementi që nuk do të jetë pjesë e planeve të Antonio Contes për sezonin vijues për ti hapur derën transferimit të anësorit nga Neuquen në ‘’ Giuseppe Meazza “ .
Dalbert Henrique shikohet si i përzgjedhuri i Interit për të lehtësuar konkretizimin e këtij operacioni. Huazimi tek francezët e Rennes i ka shërbyer për të rikuperuar formën e duhur edhe pse deri në këtë stad të sezonit numëron vetëm 13 prezenca nën drejtimin e Julien Stephan .
Hapat e suksesshëm në lidhje me rinovimin e Sergio Escuderos e bëjnë edhe më të vështirë një kalim të mundshëm të brazilianit në Primera Division por kjo çështje do të varet automatikisht nga transferimi i mundshëm i Marcos Acuna tek Interi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
