Teuta luan një ndeshje shumë të rëndësishme ditën e premte, teksa përballë ka Vllazninë. Një sfidë që premton spektakël, ashtu siç kanë qenë shpesh ndeshjet mes këtyre dy ekipeve.
Pas largimit të Edi Martinit, do të bëjë debutimin në stolin e Teutës trajneri i ri Renato Arapi. Ky i fundit do të kërkojë fitoren në debutim, për ta nisur në mënyrën më të mirë aventurën në fushën e trajningut.
Ndonëse Teuta është vendase në këtë ndeshje, përsëri nuk do të mundet të zhvillojë ndeshjen në Durrës, për shkak të punimeve që po bëhen në “Niko Dovana”.
Për këtë arsye, ndeshja e së premtes ndaj Vllaznisë do të zhvillohet në stadiumin “Elbasan Arena”, duke filluar nga ora 16:45.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
