Kur mendohej se e ardhmja e Fabian Ruiz mund të ishte larg ‘’ Parque de Princes ‘’, ky i fundit e ka marrë një vendim.
Mesfushori do ta rinovojë kontratën me Paris St Germain, i cili e ndihmoi për të fituar Champions Leaguen.
Sezoni për të nuk ka mbaruar aty pasi edhe me Spanjën preu ditën e djeshme biletën për në finalen e Botërorit.
Pa diskutim 30 vjeçari përfshihet në rangun e më të mirëve, i cili do të vijojë rrugëtimin me francezët për më gjatë.
‘’ Les Pariziens ‘’ mbeten një ekip yjesh, i udhëhequr nga Luis Enrique, dy herë rradhazi fitues i kompeticionit më të rëndësishëm europian për klube dhe jo vetëm.
Sipas gazetarit të ‘ RMC Sport ‘ Fabrice Hawkins fantazisti do të rinovojë të paktën për një sezon, me opsionin për një të dytë natyrisht në varësi të rendimentit.
Katër sezonet tek ish fituesit e Ligue 1 e kanë konsoliduar në 11-shen e trainerit asturian i cili e ka ndryshuar totalisht historinë e tyre.
Agjenti i tij Loren del Pino gjithsesi e ka deklaruar se në një të ardhme Fabian Ruiz do të rikthehet tek ‘’ Los Verdiblancos ‘’ por është ende herët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
