U luajtën ditën e sotme pesë ndeshje, të vlefshme për javën e 12-të në Bundesligën gjermane.
Bayer Leverkusen nuk di të ndalet, teksa regjistroi fitoren e radhës në kampionat. “Aspirinat” triumfuan 0-3 në transfertë ndaj Ëerder Bremen dhe kryesojnë të vetëm me 34 pikë të grumbulluara. Vlen të përmendet se kjo është fitorja e 13-të radhazi për Leverkusen në të gjitha kompeticionet, ndërsa ende nuk njohin humbje këtë sezon. Ndalesa e vetme ishte ajo ndaj Bayern Munich në barazimin 2-2 në javën e katërt të kampionatit.
Në ndeshjet e tjera, Borussia Dortmund triumfoi 4-2 në një ndeshje spektakolare dhe ta luftuar ndaj Borussia Monchengladbach.
Leipzig u shtang në transfertë ndaj Ëolfsburg, ku u mposht me rezultatin 2-1. Dy sfidat e tjera, Freiburg-Darmstadt dhe Union Berlin-Augsburg u mbyllën në barazim 1-1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
