E ardhmja e Eric Dier tek Tottenham Hotspuri në kohët e fundit është vënë seriozisht në dyshim dhe Bayern Muncheni kërkon ti godasë përsëri kryeqytetasit ashtu siç bëri edhe me Harry Kanen. Sipas ‘ Daily Express ‘ , traineri Ange Postecoglou tanimë e ka dhënë dritën jeshile për largimin e mesfushorit nga ‘’ White Hart Lane ‘’ , kontrata e të cilit përfundon në 30 qershorin vijues. Merkatoja e dimrit do të jetë shumë e rëndësishme për anglezët për të përfituar nga shitja e 29 vjeçarit, i cili po kalon një eksperiencë të vështirë në Londër dhe deri më tani nuk ka mundur të aktivizohet në asnjë sfidë. Megjithatë, edhe kalimi i mundshëm në ‘’ Allianz Arena ‘’ parashikohet fillimi i një eksperience jo të lehte për arsye se tek rekordmenët e Bundesligës rivaliteti është shumë i ashpër dhe duhet të japësh maksimumin në çdo seancë stërvitore dhe ndeshje zyrtare për ta bindur trainerin Thomas Tuchel. Në vitet e fundit Eric Dier është konsideruar një element shumë i rëndësishëm tek ‘’ Gjelat e Londrës ‘’ në këtë repart, i cili ka kontribuar mjaftueshëm edhe në prapavijë dhe në vijimësi do të ketë shansin për të provuar një tjetër kampionat tejet interesant në kontinentin e vjetër siç është ai gjerman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
