Kohët e fundit Paris St Germain i është afruar shumë Paul Pogbas por besohet se tentativa e kryeqytetave nuk do të ketë rezultatet e deshiruara sepse francezi preferon Real Madridin .
Francezët mund të ngelin me gisht në gojë në merkaton e ardhshme sepse ‘’ Galaktikët ‘’ duan ti rrëmbejnë edhe Kylian Mbappen , objektiv i hershëm i Florentino Perezit i cili nuk do të dorëhiqet deri sa ta transferojë kampionin në fuqi të botës në ‘’ Santiago Bernabeu ‘’.
Për Paul Pogban ky do të ishte një lajm shumë i mirë sepse mund ta ketë më të lehtë për të veshur bluzën e Real Madridit , dëshirë që sipas ‘ Daily Star ‘ ja ka shprehur drejtuesve të Manchester United .
Sido që të shkojnë ngjarjet , parashikohet se ‘’ The Red Devilsat ‘’ nuk do ta pengojnë edhe për shumë kohë largimin e 28 vjeçarit nga ‘’ Old Trafford ‘’ , fakt i konfirmuar me mosrinovimin e kontratës për një komponent që e ka demostruar se nuk ndihet komod në ‘’ Pallatin e Endërrave ‘’.
Firmosja me Paul Pogban sigurisht që mund të bindë edhe Kylian Mbappen për të veshur fanellën e ‘’ Los Merengues ‘’, nga i cili presidenti i spanjollëve asnjëherë s’ka hequr dorë dhe natyrisht është përballur gjithmonë me kundërshtimet e ‘’ Les Pariziens ‘’ sepse flitet për një lojtar si pak të tjerë .
Pavarësisht do të konsiderohej një ndër transferimet më pikante të merkatos së verës, madrilenët do të përfitonin shërbimet e ishi-t të Juventusit me parametër zero dhe do ti shtonin automatikisht shanset për të trifumfuar në një të ardhme të afërt.
13 ndeshje dhe vetëm 7 asiste të shoqëruara nga një lojë e vakët s’kanë bërë gjë tjetër veçse i kanë shtuar bindjen Paul Pogbas për të menduar një të ardhme ndryshe në Spanjë , atje ku prej vitesh mbahet e hapur dera për ishin e Juventusit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
