Arsid Kruja është i larguari i radhës nga skuadra e Vllaznisë. Këtë e ka bërë të ditur vetë mesfushori, nëpërmjet një postimi në rrjetet sociale. Kruja shkruan se ndjen keqardhje për këtë vendim dhe dëshira e tij ishte të qëndronte, por klubi vendosi ndryshe. “Sot erdhi dita të shkëputem nga skuadra e qytetit tim, pavarësisht se nuk ishte dëshira dhe zgjedhja ime te largohem nga ekipi zemrës, por nga sot nuk do jem me pjesë e Vllaznisë. Ndjej keqardhje pasi kam kontribuar dhe sakrifikuar shumë duke luajtur në pozicione te ndryshme vetëm me qëllimin që të ndihmoj ekipin dhe të arrijmë objektivat. Gjithsesi, Vllaznia ka qenë, është dhe do mbetet në zemrën time përgjithmonë. Uroj qe sa më shpejt te arrijë objektivin kryesor që e kërkon çdo sportdashës shkodran, shpalljen kampion.”, shkruan Kruja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
