Kohët po ndryshojnë për Manchester United pas kalvareve të përjetuara me Ralf Rangninck në stol , trainer që krijoi një kaos për ‘’ Djajtë e Kuq ‘’ .
Situata konsiderohej e patolerueshme me gjermanin pasi përveç dështimeve vuri në rrezik edhe qëndrimin e lojtarëve më të rëndësishëm dhe ky fakt e mbushi kupën.
Reagimi i shpejtë i drejtuesve është rikompensuar dhe si duket Erik Ten Hag do të liderojë 20 herë kampionët e Premier Leagues që kanë nevojë për një ndryshim të menjëhershëm .
Falë kontributit tek Ajax Amsterdami , karriera e 52 vjeçarit filloi të ndryshojë dhe sipas ‘ Sky Sports ‘ po e fiton garën me Mauricio Pochettinon.
Një kalim në ‘’ Old Trafford ‘’ do ta bënte Erik Ten Hag hollandezin e dytë pas Louis van Gaal me objektivin e shëndërrimit të Manchester United në një superfuqi për të justifikuar kështu edhe investimin e fuqishëm ndër vite që deri më tani nuk ka dhënë asnjë rezultat.
Champions League mbetet kompeticioni i preferuar i Manchester United por është distancuar me sukseset prej një kohe të gjatë tashmë .
Megjithatë mbi të ardhmen e kësaj skuadre , ishi i Leipzigut nuk është rezervuar aspak por e ka vënë theksin tek puna intensive në funksion të tituvje , ashtu siç kane bërë edhe rivalët e Manchester City-t dhe Liverpoolit në këto vite .
“ Manchester City dhe Liverpooli kanë patur një vazhdimësi në aspektin e objektivave. Si Pep Guardiolas ashtu edhe Jurgen Kloppit i është dashur kohë për të përshtatur idetë e tyre duke patur parasysh cilësitë e çdo lojtari dhe kanë arritur të formojnë një ekip kompetitiv në çdo kompeticion “ , theksoi gjermani të cilit koha po i mbaron po do të largohet nga Manchester United me një eksperiencë të këtij niveli në kurrikulumin e tij pavarësisht se nuk ka arritur rezultatet e parashikuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
