Finalizimi i kontratës me Paris St Germain , me shumë gjasa do të shënojë nisjen e një tjetër eksperience për Sergio Ramosin duke filluar nga sezoni vijues.
Andaluzi qëndroi për dy sezone në ‘’ Parque de Prince ‘’ dhe vitet e mbetura kërkon ti shijojë në një tjetër ekip.
Deri më tani ekzistojnë tre opsione për 37 vjeçarin, një ndër të cilat është edhe ekipi i zemrës Sevilla.
Drejtuesit e spanjollëve gjithmonë ja kanë lënë të hapur derën e ‘’ Sanchez Pizjuan ‘’ , pas shumë viteve të suksesshme , sidomos tek Real Madridi, skuadër më të cilën fitoi gjithçka.
‘’ Los Rojiblancos ‘’ vinë pas fitimit të Europa Leagues për të shtatën herë në historinë e tyre dhe do të tentojnë që ta rikthejnë në shtëpi Sergio Ramosin.
Një tjetër opsion është edhe Arabia Saudite, konkretisht Al- Nassr.
Transferimi i Cristiano Ronaldos ka impulsuar drejtuesit për ta pasuruar ekipin me të tjerë yje dhe sigurisht avantazhi i tyre është se shquhen për oferta të bujshme, fakt i cili mund ta bindë ish kapitenin e Real Madridit për tu ribashkuar me ‘’ Cr7 ‘’.
Edhe Major League Soccer prej vitesh vijon të fitojë terren , sidomos për lojtarë që janë drejt varjes së këpucëve në gozhdë. Ky kampionat e ka shtuar cilësinë dhe Inter Miami i lideruar nga David Beckham konsideron se eksperienca e Sergio Ramosit në prapavijë mund ti shërbejë amerikanëve në lidhje me të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
