Ernest Muçi bëri një hap të rëndësishëm në karrierë, teksa u largua nga polakët e Legias, për tu transferuar në Turqi, te Besiktas.
Në fjalët e para, pasi mbërriti në Turqi, Muçi deklaroi se është një ëndërr e realizuar që të luajë në një klub të madh si Besiktas.
Jam shumë i lumtur që ndodhem këtu. Është një ëndërr e bërë në realitet për mua që të luaj për një klub kaq të madh. Mezi pres të përshëndetem me të gjithë tifozët, të takoj lojtarët dhe trajnerin. Mezi po pres të filloj. Jam shumë i lumtur që jam pjesë e këtij klubi legjendar në Turqi.
Transferimi ndodhi shumë shpejt. Unë isha në hotel, sepse do të luaja ndeshjen e radhës me Legian. Jam shumë i lumtur që u krye ky transferim. Është një nder për mua që të jem pjesë e një klubi kaq të madh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
