Arsenali ka fituar supersfidën e javës së 34 në Premier League, pasi ka mposhtur Manchetser United me rezultatin 3-1.
Në “Emirates” u zhvillua një ndeshje me të vërtetë spektakolare, me të dyja ekipet që ishin kërkuese deri në fund.
“Topçinjtë” kaluan të parët në avantazh me Tavares në minutën e tretë, ndërsa në minutën e 28-të ishte Nketiah që shënoi, por goli i tij u anulua për pozicion jashtë loje.
Katër minuta më vonë, Saka u tregua i saktë nga pika e bardhë e penalltisë, duke e dërguar rezultatin në 2-0. Megjithatë kjo do të zgjaste vetëm 2 minuta, pasi në të 34, Ronaldo ngushtoi shifrat në 2-1.
Pjesa e dytë nisi me United me kërkues dhe në minutën e 57-të, kishin mundësinë për të barazuar, por Bruno Fernandes gaboi nga pika e bardhë e penalltisë. Cristiano Ronaldo barazoi shifrat në minutën e 61, por përsëri ishte VAR që e anuloi për pozicion jashtë loje.
Në minutën e 70-të, Granit Xhaka, me një predhë nga jashtë zone, e ndal topin në fundin e rrjetës duke vulosur rezultatin në 3-1.
Me këtë fitore, Arsenal afrohet edhe më shumë më Champions League, teksa mbajnë vendin e katërt mme 60 pikë, ndërsa Manchester United mban vendin e 6-të me 54 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
