Sukseset me Felipe Caicedon dhe Robin Gosens nuk kanë mbetur me kaq por do të kërkojnë të shtohen edhe me transferimin e Giacomo Raspadorit . Simone Inzaghi i ka dhënë më shumë rëndësi këtij operacioni që e konsideron si prioritet absolut për merkaton e ardhshme .
Për 21 vjeçarin do të tentohet gjatë verës për ti vënë në dispozicion teknikut italian një element shumë cilësor në metrat e fundit për mos të devijuar nga rruga e suksesit .
Lojtari i Sassuolos vlerësohet si një ndër sulmuesit e të ardhmes dhe jo më kot është vënë edhe në radarët e Juventusit dhe Napolit që do të zhvillojnë një betejë të ashpër për yllin e ‘’ Neroverdëve ‘’.
Nëse i referohemi ‘’ Zonjës së Vjetër ‘’ mund të thuhet se me blerjen e Dusan Vlahovic mund ti krijojnë një lloj avantazhi zikaltërve të cilët kanë mbi supe përgjegjësinë e mbrojtjes së titullit të 19-të në Scudettos dhe pse jo mos ta zgjerojnë protagonizmin edhe në Uefa Champions League , kompeticion që e njohin shumë mirë .
Duke ndjekur këtë llogjikë, Simone Inzaghin e presin sfida shumë të vështira në të cilat do të reflektojë cilësitë , në krye të një skuadre që do të mbahet mend gjatë pasi mposhti dominimin 9 vjeçar të Juventusit në Itali , nën drejtimin e një traineri me shumë peshë si Antonio Conte .
Esksperienca me ‘’ Trikolorët ‘’ evidenton se e ardhmja e Giacomo Raspadorit mund të ndryshojë shumë shpejt destinacion sepse është një golashënues që duhet patur në konsideratë, fakt që e ka konfirmuar me 7 gola dhe 4 asiste në 24 sfidat e sezonit .
Pavarësisht se është ende herët , interesi i Interit parashikohet se do të marrë vlerësimin e duhur sepse një transferim në ‘’ Giusseppe Meazza ‘’ mund të përkthehet në fitimin e trofeve dhe njëkohësisht pjesëmarrjen në Champions League , etapë e domosdoshme për çdo lojtar të niveleve të tilla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
