Triumfi ndaj Serbisë, Tahiri: Brazili më i pjekur, dyshimet ishin për mbrojtjen

Ish-futbollisti, Ermal Tahiri, në emisionin “Skaneri i Botërorit”, foli për fitoren e Brazilit ndaj Serbisë.

Tahiri deklaroi se e pa Brazilin më të pjekur dhe dyshimet ishin për mbrojtjen, e cila sipas tij ishte shumë mirë.

E pashë Brazilin më të pjekur. E pashë në gjendjen defensive më të mirë, se çdo herë tjetër. Gjithmonë kanë bërë futboll dhe kanë luajtur futboll, por dyshimet do ishin te ana defensive. Këtë herë e pashë skuadër shumë të shkurtër. Ishin shumë mirë.

Nuk mund të them se Brazili ka lojtarë me emër shumë të madh, si Ronaldo apo Ronaldinho, por janë një ekip kompakt dhe mund të jenë fitues të Botërorit, sepse janë të gjithë grup. Ndoshta është hera e parë që Brazili luan në grup. Pjesa e dytë foli vetëm për Brazilin.