Në orët e fundit drejtuesit e Milanit kanë bërë një goditje cilësore në merkato.
Kuqezinjtë kanë përforcuar metrat e fundit me Pervis Estupinan, i cili ka lënë Brightonin për të nisur një tjetër eksperiencë në ‘’ San Siro ‘’.
27 vjeçari ka firmosur deri në qershorin e 2030-tës dhe do të jetë pjesë e një ndër ekipeve më të suksesshëm në futboll në të kaluarën.
Sipas disa mediave italiane, për amerikano-jugorin presidenca e ‘’ Djallit ‘’ ka shpenzuar rreth 20 milionë euro.
Duhet kujtuar se Pervis Estupinan është formuar në akademitë e Liga de Quitos dhe filloi eksperiencën e parë në kontinentin e vjetër tek Granada.
Përveç andaluzëve anësori ishte pjese edhe e Almerias, Mallorcas, Osasunas dhe Villarealit, me të cilin fitoi edhe Europa Leaguen.
Sigurisht nuk kanë munguar edhe përfaqësimet me Ekuadorin, me të cilin numëron 48 ndeshje dhe ka gjetur katër herë rrugën e rrjetës.
Pas La Ligas dhe Premier Leagues, Seria A bëhet kampionati i tretë ndër më prestigjozet e Europës për lojtarin nga Esmeraldas, eksperienca e të cilit me bardheblutë përmblidhet me 104 sfida dhe 5 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
