Roma insiston për Aouar

Orët e fundit drejtuesit e Lyonit janë vënë në dispozicion për dëgjimin e ofertave në lidhje me  Houssem Aouar .

Mesfushori ka treguar një nivel shembullor me francezët dhe  Jose Mourinho është bindur se duhet ta ketë pjesë të skemave 24 vjeçarin.

‘’ The Special One ‘’ i ka vënë në dijeni drejtuesit se ylli i Lyonit është i preferuari për të ardhmen dhe sipas ‘ Calciomercatos ‘ kryeqytetasit e kanë filluar punën për arritjen e këtij objektivi.

Paraprakisht ‘’ Les Gones ‘’ kanë caktuar 5 milionë euro për largimin e tij por Houssem Aouar pretendon  të përfitojë të njëjtën shifër në sezon , fakt që mund të shkaktojë tërheqjen e ‘’ Verdhekuqëve ‘’ nga gara.

Megjithatë, tre herë kampionët e Serisë A janë të vetëdijshëm se  pretendentët mund të shtohen me kalimin e kohës, ndër të cilët përfshihet edhe Sevilla dhe Real Betis , ekipe që do të zhvillojnë një tjetër derbi ndërmjet tyre.

Fitimi i Conference Leagues ishte një sukses që ëndërrohej prej shumë vitesh nga Roma dhe traineri nga Setubal bëri të mundur që ekipi i tij të çlirohej , fakt që sigurisht e lehtëson rrugën për më tej pavarësisht konkurrencës së ashpër .

Shtatë vite me Lyonin kanë shërbyer për tu konsideruar nga disa ekipe interesante në Europë dhe merkatoja vijuese mund të jetë fillimi i një tjetër eksperience  për Houssem Aouar.