Largimi i Matheus Cunhas dhe Joao Felix , e ka rikthyer vëmëndjen e drejtorit sportiv Andrea Berta tek një dëshirë e vjetër e Diego Simeones.
Atletico Madridi po has vështirësi për arritjen e objektivave dhe sipas ‘ As ‘ , Andre Silva i cili aktivizohet tek Leipzigu konsiderohet një element që mund të shtojë rezultatet në metrat e fundit.
Besohet se shumë shpejt ‘’ Los Colchoneros ‘’ do të iniciojnë kontaktet me agjentin e portugezit, për ti ardhur në ndihmë ofensivës në fazën më të rëndësishme të sezonit .
Akordi mund të arrihet për shifrën e 30 milionë eurove dhe kështu ‘’ El Cholo ‘’ ndoshta do të ketë një armë më shumë pavarësisht se kontrata e 27 vjeçarit me gjermanët skadon në 30 qershorin e 2026-tës .
Drejtuesit e Leipzigut nuk e konsiderojnë një çështje emergjente largimin e Andre Silvas nga ‘’ Red Bull Arena ‘’ por në krahun tjetër ato të ‘’ Rojiblancos ‘’ kanë shprehur se nuk e kanë problem ta rrisin ofertën për ish golashënuesin e Portos.
Nëse do të vendosë për Atletico Madridin , për luzitanin do të ishte eksperienca e dytë në Primera Division pas asaj me Sevillan .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
