Renato Arapi e mbylli me futbollin e luajtur, por jo me Teutën. Klubi durrsak ka njoftuar ditën e sotme se ish-lojtarit i është besuar posti i drejtorit teknik.
Arapi do të marrë vendin e lënë bosh pas largimit të Sulejman Starovës. 34-vjeccai do të vazhdojë të jetë pjesë e Teutës, por këtë herë me një post tjetër.
“Klubi i Futbollit Teuta njofton se ish-mbrojtësi Renato Arapi do të jetë drejtori i ri teknik i klubit. Ish-kapiteni do të marrë këtë detyrë nga sot pas arritjes së marrëveshjes me presidentin Hasanbelliu.
Pas një eksperience si lojtar i spikatur, ku fitoi gjithçka në Shqipëri, Arapi do vijoj punën në shtëpinë blu tashmë si pjesë e rëndësishme e stafit teknik”, njofton Teuta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
