Koha ka kaluar shumë shpejt dhe insistimi i pretendentëve për Victor Osimhen i ka detyruar në njëfarë mënyre drejtuesit e Napolit të mendojnë për zëvëndësuesin ideal të nigerianit.
Sipas parashikimeve, sulmuesi mund të largohet nga ‘’ Diego Armando Maradona ‘’ në merkaton vijuese tek Liverpooli kundrejt 140 milionë eurove, shifër e cila konsiderohet historike për italianët.
Traineri Rudi Garcia tanimë e ka dhënë konfirmimin për largimin e 24 vjeçarit dhe ka menduar për Jonathan David si zëvëndësuesin ideal të tij .
Në këtë histori Lilla do të dilte përsëri e fituar , ashtu siç ndodhi edhe në të kaluarën me golashënuesin afrikan, të cilin e shiti për 80 milionë euro.
Deri më tani kanadezi numëron 62 gola në 149 sfida me ish fituesit e Ligue 1 dhe nëse do të veshë bluzën bardhekaltër , sigurisht do të ishte një hap shumë i rëndësishëm në karrierë.
Duhet kujtuar se në të kaluarën arkat e Lilles u fuqizuan me 80 milionë euro me largimin e lojtarit nga Lagos ndërsa për Jonathan David mund të përfitojnë afro 60 milionë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
