Gjysmëfinalet e Kupës, ndeshjet e kthimit luhen të mërkurën

Ditën e mërkurë do të mësohen dy skuadrat finaliste në Kupën e Shqipërisë, pasi do të luhen dy ndeshjet e kthimit të gjysmëfinales.

Laçi me një këmbë në finale, pas fitores në ndeshjen e parë 2-1, pret në shtëpi Teutën, me durrsakët që do të tentojnë përmbysjen. Kjo sfidë do të zhvillohet duke filluar nga ora 13:45.

Ndeshja tjetër është ajo mes Vllaznisë dhe Partizanit, e cila do të luhet në “Loro Boriçi” të Shkodrës në 17:45. Sfida e parë u mbyll në barazim pa gola dhe kështu të dyja ekipet futen në fushë për fitore.

E mërkurë

Laçi-Teuta Ora 13:45

Vllaznia-Partizani Ora 17:45