Pavarësisht se jemi vetëm në fillimin e sezonit , Atletico Madridi nuk e ka anashkaluar në asnjë moment merkaton .
Diego Simeone është i vetëdijshëm se të tijët i presin sfida shumë të vështira dhe duke e njohur si një trainer tepër kërkues , patjetër që aksionet e argjentinasit do të jenë në të njëjtat ritme . Modeli i krijuar nga 51 vjeçari i ka klasifikuar ‘’ Los Colchoneros ‘’ si një prej skuadrave më të forta për tu mposhtur, fakt që e tregoi edhe me fitimin e La Ligas pas disa vitesh luftë me Barcelonën dhe Real Madridin .
Objektivi për ‘’ El Cholon ‘’ është bashkombasi Lisandro Martinez , lojtar që ka shkëlqyer me Ajax Amsterdamin .
Duke marrë parasysh se e ardhmja e Savic dhe Felipe në ‘’ Wanda Metropolitano ‘’ mbetet në pikpyetje , është e qartë se kryeqytetasve i duhet një lojtar cilësor në prapavijë dhe drejtori sportiv Andrea Berta ka filluar negociatat me hollandezët për mbrojtësin e kombëtares ‘’ Albiceleste ‘’.
I vetmi problem në këtë histori është se kontrata lojtarit të lindur në Gualeguay me gjigandët e Eredivise mbetet në fuqi deri në 2024-tën .
Të jesh i pretenduar nga një ndër trainerët më të mirë në botë patjetër që lë vend për entuziazëm pavarësisht se eksperienca me Ajax Amsterdamin ka patur një ecuri të mrekullueshme. Ishi i Defensa Justicia ka bërë mirë në 10 ndeshjet e para të sezonit dhe tashmë ka mbi tavolinë një interes që është vështirë të anashkalohet .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
