Në orët e fundit Arsenali ka hedhur një hap shumë të rëndësishëm në lidhje me të ardhmen.
Drejtuesit e ‘’ Topchinjve ‘’ kanë arritur me sukses rinovimin me Takehiro Tomiyasu, i cili do të qëndrojë në ‘’ Emirates ‘’ deri në 2026-tën, me opsion zgjatjen e kontratës edhe për një tjetër sezon.
Japonezi u transferua nga Bologna tek anglezët në 2021-shin dhe me kalimin e kohës e bindur Mikel Artetan.
Pavarësisht se dëmtimet në të kaluarën kanë ndikuar në performancat e Arsenalit në fazën defensive, traineri Mikel Arteta është shprehur me superlativa për nxënësin e tij :
“ Tomi është shumë i rëndësishëm për Arsenalin. Gjithmonë jep maksimumin si në stërvitje ashtu edhe gjatë sfidave dhe ndihemi të privilegjuar që e kemi në skuadër ‘’, theksoi spanjolli.
Edhe pse në të shumtat e rasteve nuk i ka nisur sfidat si titullar, kontributi në ekipin e trainerit spanjoll është i padiskutueshëm.
25 vjeçari spikat për përshtatjen me lehtësi në disa pozicione të mbrojtjes, aspekt që i ka dhënë avantazhe Arsenalit gjatë sfidave.
Gjithsesi, duke qenë se 13 herë kampionët e Premier Leagues prej vitesh nuk kanë arritur të fitojnë tituj, qëndrimi i peshave të rënda është prioritet absolut dhe Takehiro Tomiyasu po e ripërforcon këtë ide me kalimin e kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
