Dy sezonet e fundit kanë prodhuar shumë pakënaqësi për Juventusin sidomos në Itali , fakt që është konfirmuar me humbjen e titullit duke ja lënë stafetën Interit .
Edhe në aktualin duket sikur asgjë s’ka ndryshuar për të besuarit e Massimiliano Allegrit të cilët janë shumë larg objektivave , me Serinë A praktikisht të humbur përsëri por i mbetet një fije shprese në Champions League ku do të ketë përballë në 1/8- tat Villarealin .
Humbja e terrenit është një fakt shqetësues për trainerin italian sepse ‘’ Zonja e Vjetër ‘’ nuk ka të garantuar asgjë për të ardhmen dhe e vetmja armë që i mbetet është përqëndrimi i forcave në merkato.
Ofensiva ka çaluar shumë së fundmi dhe Massimiliano Allegri po tenton me çdo mënyrë ti vërë kapakun vuajtjes së torinezëve dhe po analizon me detaje dy opsione .
Sipas ‘ Calciomercatos ‘ Denis Zakaria dhe Anthony Martial vlerësohen shumë me objektivin e avancimin të ish rekordmenëve të Scudettos sidomos tani që kanë humbur edhe Federico Chiesan për shkak dëmtimi.
Francezi nuk bën më pjesë në planet e Ralf Rangnick dhe faktikisht Barcelona me Sevillan duan ta largojnë nga ‘’ Old Trafford ‘’ , ndërsa zviceriani e përfundon kontratën me Borussia Monchengladbahun në 30 qershorin e ardhshëm dhe interesi i bardhezinjve sigurisht ia rrit vlerat 25 vjeçarit .
Juventinët do të kërkojnë evitimin e mbetjes në vendnumëro dhe Denis Zakaria me Anthony Martial mund ta ndihmojnë drejt rikuperimit të identitetit fitues .
Objektivi i Juventusit në lidhje me këtë sezon është avancimi në Champions League dhe sigurisht përfaqësimi përsëri në sezonin vijues. Asi nën mëngë i italianëve është se traineri 54 vjeçar i ka dhënë provat në të shkuarën dhe ky fakt e mban në lojë për rikthimin tek suksesi dhe pse jo mos ta zgjerojnë atë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
