Mbetja në prapavijë tek Manchester City, e ka detyruar mesfushorin Kalvin Phillips ta mendojë të ardhmen larg ‘ Etihad Stadium ‘. Rivaliteti i ashpër tek bardhekaltërit besohet se i ka vënë pikën eksperiencës së anglezit, i cili pretendon të jetë pjesë e një tjetër ekipi cilësor për ta rikuperuar sa më shpejt terrenin e humbur dhe të grumbullohet nga Gareth Southgate për Europianin që do të zhvillohet vitin e ardhshëm në Gjermani. Lajmi është bërë me dije nga e famshmja britanike ‘’ The Mirror ‘’ dhe parashikohet se në vijimësi ti trokasin në derë pretendentë cilësorë. Me kalimin tek fituesit në fuqi të Champions Leagues, karriera e ishi-t të Leeds United ka marrë një tjetër përmbajtje dhe merkatoja e janarit konsiderohet determinante për të zgjedhur një tjetër destinacion e më pas të përzgjidhet nga traineri Gareth Southgate për këtë kompeticion, kombëtarja e të cilit, e ashtuquajtur ‘’ Tre Luanët ‘’ do të jetë një ndër pretentendet kryesore për ta fituar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
