Trajneri Ardi Behari, analizoi në emisionin “Skaner” në MCN TV, fitoren e Egnatias ndaj Kukësit.
Sipas tij, rrogozhinasit e zgjidhën ndeshjen shumë shpejt dhe e kontrolluan shumë mirë.
Behari deklaroi se lojtarët që janë tani japin garanci, ndërsa shtoi se nuk u vu re mungesa e një lojtari të rëndësishëm si Spahiu.
Vështirësia ishte sepse ishte një ndeshje jashtë, ndaj një ekipi që i duhen pikët. Egnatia e zgjidhi ndeshjen shpejt, e kontrolluan sfidën, pavarësisht se ra pak vigjilenca në minutat e fundit. Tregon se Egnatia po ecën në rrugën e drejtë.
Lojtarët që kanë qenë dhe ata që kanë ardhur, japin garanci për ata që u larguan. Nuk u vu re se mungonte Spahiu. Kjo ndeshje kishte rëndësi, edhe për shënimin e golave, nga dy sulmuesit, nga Gjata dhe Montenegro. Përveç fitores jashtë, shënimi i golave nga sulmuesit, janë lajme të mira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
