U luajtën ditën e sotme 3 ndeshjet e fundit, të vlefshme për javën e tetë në Superligën e Kosovës.
Supersfida e javës, ajo mes Dritës dhe Prishtinës u mbyll në barazim pa gola. Ndonëse të dyja skuadrat provuan dhe kishin raste, përsëri nuk ia dolën dot të gjejnë rrugën e rrjetës.
Ndërkohë Llapi ka siguruar fitoren e parë në kampionat për këtë sezon, pasi mposhtën minimalisht Dukagjinin në shtëpi. Goli i Rivera në minutën e 10-të, i dha fitoren llapjanëve.
Fitore ka korrur edhe Feronikeli, që mposhti me rezultatin 1-0 Ulpianën. Për sa i përket renditjes, Ballkani kryeson me 16 pikë, i ndjekur nga Drenica me 14 pikë dhe Gjilani me 13 pikë. Tre vendet e fundit të tabelës mbahen nga Dukagjini, Ulpiana dhe Llapi, me nga 6 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
