Manchester City-t i ka mjaftuar vetëm 45 minutëshi i pari për të shpartalluar 4-0 West Ham United. Të besuarit e Pep Guardiolës shënuan brenda 23 minutash 3 herë, duke likujduar "çekiçët". David Silva e hapi serinë e golave në minutën e 11-të të takimit, ndërkohë që Stërling 8 minuta më pas dhe Leroy Sane në minutën e 34-t vulosën gjithçka. Gjermani ishte autor edhe i golit të katërt, që i mbaj qytetarët në vendin e parë me 35 pikë.
Fitore të pastër 3-0 arriti dhe Liverpool, por ndryshe nga kryesuesit e Premier League, "The Reds" iu mjaftoi pjesa e dytë për tu zhbllokuar. Salah, Alexander Arnold dhe Firminho ishin autorët e golave dhe mbajnë në -2 distancën me City-n.
Hap fals për Manchester United, që nuk shkoi më shumë se një barazim 0-0 në shtëpi ndaj Crystal Palace. Ndryshimi në pankinë ka rikthyer te fitorja Fulhamin, që mposhti 3-2 Southampton.
Një takim i nisur në malore për të besuarit e Claudio Ranierit, që u gjendën në disavantazh pas 18 minutash lojë. Armstrong kaloi miqtë në avantazh, por italiani diti si t'i motivojë të besuarit e tij dhe Mitrovic e Schurrle përmbysën gjithçka brenda pjesës së parë. Megjithatë Armstrong nuk u pajtua me këtë rezultat, duke shënuar për 2 me 2. Gjithsesi, Mitrovic pak minuta më pas i siguroi 3 pikëshin e dytë Fulhamit, që shikon dritë pas 7 humbjesh radhazi.
Fitore arriti dhe Everton që mposhti 1-0 Cardiff. Goli i vetëm i takimit u shënua nga Sigurdsson në minutën e 59-të të takimit. Në barazim 1-1 u mbyll takimi mes Brighton dhe Leicester City-t, me "dhelprat" që morën një pikë edhe pse mbeten me 10 futbollist.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
