Skënderbeu pa dy titullarë, Egnatias i mungon Dwamena

Skënderbeu do të luajë një ndeshje shumë të rëndësishme, siç është ajo ndaj Egnatias në Korçë.

Sikur të mos mjaftonte që përballë kanë kryesuesit e kampionatit, te korçarët duhet të përballen edhe me dy mungesa të rëndësishme.

Për këtë përballje, te Skënderbeu do të mungojnë dy titullarë, mbrojtësi Prençi dhe mesfushori Liço.

I pari u ndëshkua me të kuq ndaj Vllaznisë, ndërsa u dyti plotësoi numrin e kartonëve.

Një mungesë të rëndësishme do të ketë edhe Egnatia, që në këtë sfidë duhet të bëjë pa sulmuesin kryesor, Raphael Dwamena, i cili u ndëshkua me të kuq ndaj Tiranës.