Bayerni në sulm për Pogban

Paul Pogba do të jetë një ndër protagonistët e merkatos verore e cila është pas dere pasi shumë pretendentë po luftojnë për shërbimet e francezit.  

Që nga 1 janari i 2022-shit , mesfushori është i lirë të negociojë me cilindo klub që dëshiron dhe pas Manchester City-t , Juventusit , Real Madridit dhe Paris St Germain , edhe Bayern Munchen i është vënë pas sepse beson në aftësitë e kampionit të botës në fuqi .

Skenari për një kalim në Bundesligë duket shumë i mundshëm, kampionat që do të bëhej i treti ndër pesë më të famshmit e elitës , për një lojtar që gjithmonë ka treguar shumë në fushën e lojës , fillimisht me ‘’ Zonjën e Vjetër ‘’ e më pas tek Manchester United .

 Besohet se etapa në ‘’ Old Trafford ‘’ do të marrë fund gjatë verës sepse Paul Pogba pretendon titujt , ashtu siç e bëri edhe në të kaluarën tek bardhezinjtë .

105 milionë eurot e shpenzuara nga anglezët në merkaton e  2016-tës u konsideruan  një ndër investimet më potente asokohe por zvarritja e tepërt e Manchester United parashikohet se do të ndikojë në vendimin e shumë lojtarëve cilësore pasi do të fillohet një etapë e re me Erik Ten Hag në stol , i cili la gjurmë në të shkuarën tek Ajax Amsterdami.

Bayern Munchen është distancuar paksa nga trofetë e rëndësishëm në kohët e fundit si përshembull Champions League dhe s’mund të mjaftohet vetëm me fitimin e Bundesligës apo trofeve të tjerë si Kupa apo Superkupa dhe do të kërkojë ta shtrijë protagonizmin për ti treguar të gjithëve se qëndron i fortë dhe i uritur për të fituar çdo kompeticion ku merr pjesë.  

Për Paul Pogban, vera do të jetë një periudhë shumë e rëndësishme për të ardhmen  dhe duhet të tregohet shumë i kujdesshëm në marrjen e një vendimi për të patur komoditetin e disa viteve më përpara , si përshembull  tek Juventusi me të cilin fitoi shumë tituj me peshë.