Arsenali parashikohet se do të jetë një ndër protagonistët e merkatos së verës për sa i përket Premier Leagues.
Traineri i ‘’ Topchinjve ‘’ Mikel Arteta në bashkpunim me drejtuesit kanë filluar të punojnë për transferimet gjatë kësaj periudhe, të domosdoshme për vijimësinë.
Kryeqytetasit do të ndërhyjnë kryesisht tek përforcimi i repartit të avancuar, të cilët tashmë ia kanë vënë syrin Hugo Ekitikes.
Francezi po zhvillon një sezon premtues me Eintracht Frakfurtin, i dyti në rradhët e kësaj skuadre.
22 vjeçari konsiderohet një vlerë e shtuar nga numri një i stolit, i cili ka kontribuar tek gjermanëve me 16 gola dhe 6 asiste në 28 sfida.
Ndërkohë, sipas portalit ‘ Metro ‘, vlera e kartonit të ishi-t të Paris St Germain arrin 40 milionë eurot, e konsiderueshme dhe krejtësisht e justifikuar nga paraqitjet e nxënësit të Dino Toppmoller.
Pritet një reagim nga drejtuesit e Frankfurtit duke qenë se Hugo Ekitike është një garanci në ofensivë, edhe pse pretendimi i të ashtuquajturve ‘’ The Gunners ‘’ mund t’ia ndryshojë karrierën në çdo aspekt.
Prej shumë vitesh londinezët vijojnë të jenë të distancuar nga titujt në Angli dhe Europë, fakt i cili e shton automatikisht impenjimin e krerëve të klubit për mbërritjen e lojtarëve cilësorë në ‘’ Emirates ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
