Si shumë lojtarë të tjerë , Paul Pogba do ta mbyllë ciklin me Manchester United në 30 qershorin vijues.
Në skenë janë shfaqur dy pretendentë , si Paris St Germain dhe Juventusi dhe mesfushori është lodhur duke e zvarritur këtë çështje dhe ka preferuar ti vërë pikën.
28 vjeçari ka zgjedhur ‘’ Zonjën e Vjetër ‘’, ekip që në të kaluarën i dha shansin të fitojë çdo trofe në Itali dhe në njëfarë mënyre kërkon t’ia shpërblejë besimin torinezëve me rikthimin në ‘’ Allianz Stadium ‘’.
105 milionë eurot e investuara nga ‘’ Djajtë e Kuq ‘’ nuk janë justifikuar nga Paul Pogba i cili do të evitojë humbjen e mëtejshme të kohës me një ekip ku nuk shikon të ardhme dhe të paktën tek Juventusi do të ketë shansin për të fituar trofe të rëndësishëm .
Para dy sezonesh bardhezinjtë as që e diskutonin Serinë A , kampionat ku shënojnë një rekord historik me 9 trofe rradhazi dhe Paul Pogba kërkon të jetë protagonist edhe në këtë aspekt dhe të shijojë bashkpunimin me lojtarë si Denis Zakaria apo Dusan Vlahovic të cilët i kanë dhënë impakte pozitive pozicioneve përkatëse por Massimiliano Allegri s’mund të mjaftohet me kaq dhe do të aspirojë çdo trofe , sidomos në Itali duke filluar nga sezoni vijues.
Eksperiencën e Paul Pogbas Juventusi e shfrytëzoi në maksimum në të kaluarën me fitimin e katër Serie A , 2 Kupa dhe 3 Superkupa Italie dhe gjatë katër sezoneve u konsiderua një emblemë në ‘’ Allianz Stadium ‘’ por transferimi tek anglezët i dha startin rrëshkitjes në karrierë , fakt që s’mund të vijohet të tolerohet.
Shfrytëzimi i kësaj mundësie konsiderohet çelësi për ti dhënë shkelmin të kaluarës se hidhur tek Manchester United sepse me Juventusin ka shumë garanci dhe rrugetimi drejt suksesit është objektivi primar në karrierën e kampionit në fuqi të botës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
