Pas eleminimit të trishtë në Champions League, Real Madridi menjëherë ka filluar të mendojë për sezonin e ardhshëm dhe tanimë është fokusuar totalisht tek merkatoja.
Boshllëku në vijën e sulmit i ka shqetësuar jo pak ‘’ Galaktikët ‘’ , të cilët prej kohësh po tentojnë firmosjen me zëvëndësuesin ideal të Karim Benzemas , të cilit nuk i mbetet edhe shumë kohë në futbollin e luajtur.
Sipas të famshmes ‘ Relevo ‘, në orët e fundit në kampin kryeqytetas ka filluar të qarkullojë emri i Joselu-t, lojtar që aktivizohet në rradhët e Espanyolit, skuadër që rrezikon rënien në Segunda Division.
Vlera e kartonit të spanjollit arrin 15 milionë eurot por përveç 33 vjeçarit , edhe Victor Osmihen dhe Dusan Vlahovic po analizohen nga drejtuesit e ‘’ Los Merengues ‘’ .
Në aspektin e vlerës së kartonit , Real Madridit i leverdis akordi me Joselun dhe një arsye me tepër është se e njeh shumë mirë La Ligan dhe mund të adaptohet menjëherë .
Nëse do të transferohet në ‘’ Santiago Bernabeu ‘’ , për Joselun do të ishte një rikthim mbrapa në kohë duke qenë se ishte produkt i akademisë së Real Madridit dhe për më tepër do të ishte përsëri pjesë e një ndër klubeve më të famshëm të historisë së futbollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
