Me mbërritjen e Hansi Flick në ‘’ Camp Nou ‘’ gjithçka tek Barcelona ka ndryshuar.
Ecuria e katalanasve si në La Liga ashtu edhe në Champions League është falë përkushtimit të gjermanit dhe drejtuesit kanë filluar të hedhin hapat për t’ia rinovuar kontratën.
Sipas ‘ Sport ‘, të martën e kaluar dy anëtarë të bordit drejtues zhvilluan një mbledhje me agjentin e 60 vjeçarit, me objektivin për të siguruar qëndrimin në Katalunjë, të paktën deri në 2027-tën, me mundësinë e rinovimit për një tjetër vit.
Rezultatet japin për të kuptuar se Joan Laporta ka qëlluar në shenjë me ishi-n e Bayern Munchenit, falë të cilit Barcelona ka hedhur hapa përpara në Champions League dhe kryeson kampionatin spanjoll.
Shkatërrimi i Borussia Dortmundit 4-0 në çerekfinalen e parë ishte një demostrim i potencialit të Hansi Flickut, i cili më përpara ka fituar Superkupën e Spanjës dhe do të zhvillojë edhe një finale kundër Real Madridit, e vlefshme për Kupën e Mbretit.
145 gola në 48 sfida është një statistikë mbresëlënëse, e cila ia lartëson figurën dhe nëse gjithçka do të vijojë me këto ritme, marrëveshja e rinovimit do të arrihet së shpejti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
