Mehmeti: E njohim mirë Partizanin, ndeshje e vështirë

Trajneri i Dinamo City, Dritan Mehmeti, foli për mediat, në prag të derbit ndaj Partizanit.

Mehmeti deklaroi se e njohin mirë kundërshtarin, ndërsa shtoi se do të jetë një sfidë e vështirë.

Pavarësisht këtyre, ai tha se strategjia nuk do të ndryshojë dhe Dinamo kërkon pikë në këtë përballje.

Shumë e rëndësishme është që skuadra ka rikuperuar, gjendja është e mirë. Derbi është derbi dhe sjell emocione pozitive, sepse janë ndeshje që kanë vlera. Janë dy skuadra që i kanë dhënë tonin futbollit shqiptar. Është ndeshje e vështirë dhe e paparashikueshme. Partizani është ekip shumë i mirë dhe në gjendje të mirë këto javët e fundit. Kjo e bën më të vështirë ndeshjen.

E njohim shumë mirë Partizanin dhe do të bëjmë maksimumin që të jemi në ekuilibër, sidomos psikologjik. Duhet të jemi racionalë dhe të kujdesshëm. Strategjia jonë në këtë ndeshje ndryshon. Partizani të imponon respekt, por do të kërkojmë pikët.