Conte kandidat për stolin e United

Problemet e theksuara të Manchester United në ndeshjet e fundit e kanë vënë në qendër të kritikave trainerin Ole Gunnar Solskjaer .  

Norvegjezi ka çeduar në realizimin e objektivave me ‘’ The Red Devilsat ‘’ dhe ky fakt e ka rrezikuar të ardhmen e 48 vjeçarit në pankinë . Dihet botërisht se tek anglezët kërkesa e llogarisë është një ndër më të lartat  dhe ecuria e deritanishme  tek 20 herë kampionët e Premier Leages ka lënë për të dëshiruar pavarësisht se janë një  kërcënim real për çdo rival  .

Zërat kanë nisur  të qarkullojnë tek anglezët dhe sipas ‘ Calciomercatos ‘  preferohet Antonio Conte.  

Italiani shikohet si i duhuri për të finalizuar këtë kapitull zhgënjyes  gjithmonë nëse Ole Gunnar Solskjaer  do të vijojë me dështimet .  Suksesi i sezonit të kaluar me Interin do të mbahet mend shumë gjatë në memorien jo vetëm të zikaltërve por edhe të gjithë sportdashësve sepse  ishte i vetmi teknik që mposhti dominimin 9 vjeçar të Juventusit në Scudetto duke i dhënë kampionatin e 19 -të skuadrës nga Milano .

 Problematikat e trainerit nga Lecce me drejtuesit respektivë rezultuan  një arsye e fortë për ti vënë pikën aventurës në  ‘’ Giusseppe Meazza ‘’ por u largua me kokën lart sepse arriti atë që teknikët paraardhës nuk mundën për shumë vite .

 Nëse kthehemi në retrospektivë Antonio Conte ka patur fatin të drejtojë londinezët e Chelseat  me të cilët fitoi një kampionat dhe Fa Cup dhe e njeh në perfeksion Anglinë. 

Vijimësia do të jetë një provë zjarri për Ole Gunnar Solskjaer i cili është i vetëdijshëm se nëse situata tek ‘’ Djajtë e Kuq ‘’ s’do të pësojë ndryshime eksperienca  në ‘’ Old Trafford ‘’ mund të përfundojë shumë shpejt .