Real Madrid arriti një kualifikim të madh ditën e djeshme, pasi mposhti me një përmbysje të çmendur Manchester City.
Madrilenët u kualifikuan në finalen e Champions League, por ajo që tërhoqi vëmendjen sapo kishin filluar shtesat, ishte edhe një person që u fut në fushë me flamurin shqiptar.
Fillimisht u tha se personi ishte shqiptar, i quajtur Gimi, për shkak se ky ishte emri që mbante në bluzë. Megjithatë ditën e sotme është mësuar se personi që u fut në fushë me flamurin shqiptar është turk.
Ai quhet Gokhan dhe në stadium dje ishte me dy miq shqiptar, të cilët duket se e kanë nxitur për t’u futur në fushë me flamurin e Shqipërisë.
Pasi përqafoi sulmuesin Benzema, duket se i solli fat këtij të fundit, i cili vetëm 5 minuta më vonë, shënoi edhe golin e tretë për Real Madridin, që ishte edhe goli i kualifikimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
