Policia britanike ka arrestuar një trajner të të rinjve në Angli, për shkak të një mesazhi racist të postuar në profilin e tij në “Twitter”. Trajneri Nick Scott u arrestua pasi në profilin e tij, ishte postuar një mesazh racist ndaj sulmuesit të Anglisë, Marcus Rashford, pasi humbi penalltinë në finale ndaj Italisë, ku i kërkohet që të rikthehet në vendin e tij.
Policia pasi ka parë mesazhin e ka arrestuar menjëherë trajnerin 50-vjeçar. Megjithatë ai ka mohuar ta ketë bërë një gjë të tillë, duke deklaruar se llogaria e tij është vjedhur.
Pasi e arrestoi dhe mori në deklaratë trajnerin, policia e la atë të lirë, por gjithsesi është nën hetim nëse mesazhi është publikuar nga ai vetë, apo ia kanë vjedhur ashtu siç edhe ka deklaruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
